ӨКМде аппараттык кеңешме өткөрүлдү

0
71 просмотров

2019-жылдын 20-май күнү Өзгөчө кырдаалдар министри Нурболот Мирзахмедов жетекчилик кылган аппараттык кеңешме болду. Анда өлкө боюнча акыркы 2 жумадагы өзгөчө кырдаалдар, сел суу ташкындарын алдын алуу, өрт коопсуздугу, сууга түшүүгө кооптуу деп эсептелинген аймактарда калкка түшүндүрүү иштеринин жүрүшү талкууланды. Аппараттык кеңешмеге министрликтин түзүмдүк жана аймактык башкармалыктарынын башчылары катышышты.
Жыйындын жүрүшүндө Кризистик кырдаалдарда башкаруу борборунун башчысы полковник Мухамед Сваров соңку 2 аптадагы абал боюнча доклад жасады. Анын докладында, өткөн аптада Жалал-Абад шаарында 1 техногендик мүнөздөгү өзгөчө кырдаал катталган, ал эми жыл башынан бери жалпы 7 өзгөчө кырдаал орун алып, калыбына келтирүү иштери жүргүзүлгөн.
«Өзүңүздөргө белгилүү болгондой бул жыл башка жылдарга салыштырмалуу өзгөчө кырдаалдардын саны аз катталып жатат.Мындай учур алдын алуу багытындагы иш-чараларды толук кандуу сапаттуу жасап алууга шарт түзөт. Андыктан баардык тиешелүү башкармалыктар ишти токтотпостон тапшырмаларды аткарууга алгыла» — деди министр Нурболот Мирзахмедов.

КР ӨКМдин басма сөз кызматы

Print Friendly, PDF & Email

ЖООП КАЛТЫРЫҢЫЗ

Please enter your comment!
Please enter your name here